طريقة بناء منزل فى مصر فى حدود 200 الف بدون اعمدة

السلام عليكم اهلا وسهلا ان شاء الله تكونوا بخير. النهاردة هنتكلم عن تكلفة بناء بيت. بس المرة دي بالحوائط الحاملة. عشان السؤال ده انا اتسألته كتير. ونظرا لغلاء الاسعار بقى عاوزين نعمل حاجة توفر. احنا هنعمل بيت دورين عشان الناس برضو اللي سألتني عاوزين نعمل بيت دورين وما يكلفناش. 

بص يا سيدي. اول حاجة هنعملها القواعد المسلحة. طب هل مش هنعمل عادية تحتها او نضافة او حاجة عادي ممكن نعمل نضافة عشرة سنتي او نعمل قواعد مسلحة على طول ونرفعها على طوب اسمنت او شوية رخام المهم ان الحديد ياخد تحته من 10 الى 15 سم خرسانة عادية. طيب هنعمل السملات 60*60 سم.

هتبقى عرض 60 في ارتفاع 60 هناخد منهم 10 سم خرسانة عادية تحت و 50 سم هتبقى خرسانة مسلحة. تسليح السملات دي هيكون 4 اسياخ علوى 4 لينة و 4 سفلى 4 لينة وكانات 2.5 لينة 6 فى المتر . خلاص دي التسليح بتاعي بتاع السملات. طيب هيعملوا حوالي تقريبا 22 متر مكعب. خد بالك احنا واخدين على مساحة 100 متر

طيب. يبقى هيعملوا 22 متر مكعب تقريبا محتاجين 7.5 طن اسمنت. فالفين جنيه يبقى محتاجين 15 الف اسمنت ومحتاجين حديد حوالي 700 كيلو في 41 الف جنيه يبقى محتاجين 28 الف وسبعمية حديد. السبعمية كيلو دول محتاجين تقريبا حوالي 450 كيلو حديد اربعة لينة و 250 كيلو كانات اللي هم اتنين ونص لينة اتنين. خلاص كده? بعد كده محتاجين 18 متر زلط و 10 متر رمل . 18 متر زلط كده الاجمالي بتاعي 50 الف جنية

هنضيف عليهم المصنعية 10 جنيه للمقاول المصنعية و3000 جنيه مصاريف يبقى كده 63000 الف كده انا كلفت القواعد المسلحة بتاعتي تلاتة وستين الف جنيه

حساب تكلفة الحوائط

طيب بعد كده الحوائط بقى احنا هنبني الحوائط بتاعتنا على طوبة. يا اما نعملها طوب اسمنتي على طوبة يعني عرض الطوبة كاملة مش نص طوبة. يا اما نعمله طوبة اسمنت يا اما نعمل طوب احمر ما فيش مشكلة بس هتتعمل على طول. ويفضل انه يتعمل طوب اسمنتي لو كانت تكلفة قريبة

طيب تعال نشوف بقى احنا محتاجين طوب قد ايه محتاجين حوالي 35 الف طوب. محتاجين حوالي خمسة وتلاتين الف طوبة بخمسة وتلاتين الف لو قلنا على اعتبار ان الطوب بسعر الف جنيه. بعد كده محتاجين لهم 7 طن اسمنت ب 14 الف. لو على 2000 جنيه الاسمنت .

محتاجين 18 متر رمل فى 130 ب 1300 ومصنعية يبقى بنتكلم في 10000 جنية كده 60000 الف جنيه تكلفة الطوب
يبقى احنا كده عملنا القواعد بنينا وعملنا طوب.

حساب تكلفة السقف

فاضل السقف هنعمل ارتفاع للحوائط 3 متر.هنعمل سقف بكمر عادي بلاطة 15 سم بس. ما تزودش عن 15 خلاص انا بديك كل الداتا وكل التفاصيل. السقف بعد كده محتاج له حوالي طن وسبعمية حديد في واحد واربعين الف تسعة وستين الف وسبعمية محتاجين سبعة طن اسمنت 14 الف محتاجين 16 متر زلط محتاجين 8 متر رمل كدا 90 الف جنية بالنسبة للسقف بالنسبة للسقف باقي عندنا 10000 جنيه مصنعية بنتكلم يبقى احنا كده بنتكلم في 100 الف .

اجمالى تكلفة المنزل

 القواعد كلفتنى 63 الف والحوائط كلفتنى 61 الف والسقف كلفنى 102 الف يبقى كدا الاجمالى 226 الف طب لو انا هعمل 100 متر دول بناء هيكلي انت بتتكلم في 320 الف يعني انت موفر من 80 الى 90 الف الف لما تيجي تحسبها هتلاقي نفسك موفر تقريبا بالزبط 25 %.

الدور المتكرر اللي بعد كده بقى هيكلفني كم? الحوائط والسقف هنبنيها على طوبة برضه لو انا هاخد دور كمان يبقى نبنيها على طوبة. الدور هيكلفني حوائط وسقف بتتكلم في 140 الف جنيه  يبقى انت حضرتك كده بتتكلم في 365 الف للدورين اللي هم الحوائط وصبة السقف بتاعي. وقفلت الطوب بتاعي. 
كده بقى المتر كلفني كام للدورين؟ المتر تقريبا كلفني 3600 . اتمنى يكون الموضوع افادكم اشوفكم على خير في موضوع جديد.