طريقة المذاكرة الصحيحة للثانوية العامة نظام جديد علمى وادبى

طريقة المذاكرة الصحيحة للثانوية العامة نظام جديد طريقة المذاكرة الصحيحة في الثانوية العامة وتنظيم الوقت وأهم النصائح طريقة مذاكرة أوائل الثانوية العامة النهج الموصى به هو البدء بالمواد ذات أوقات التجميع الأقصر والتقدم إلى المواد ذات أوقات التجميع الأطول.

TOPTOP
يناير 8, 2024 - 07:05
يناير 8, 2024 - 00:56
 2
طريقة المذاكرة الصحيحة للثانوية العامة نظام جديد علمى وادبى
طريقة المذاكرة الصحيحة للثانوية العامة نظام جديد علمى وادبى

لان الذاكرة بتاعتك متقسمة تلات مناطق. ايه اللي يخلي مزاكرتي تتحول من الذاكرة الاولانية اللي هي السطحية للذاكرة العميقة اللي هي عمرها ما تتنسي ابدا. الحوار ده يا جماعة جبار

السلام عليكم ورحمة الله وبركاته. ان شاء الله جايين نتكلم عن ازاي تذاكر في ثانوية عامة
الموضوع ده من اهم الموضوعات اللي انت ممكن تشوفها في السنة كلها عشان طريقة المذاكرة وروتين المذاكرة نفسه هو ده اللي هيخليك تفلح في السنة ان شاء الله. وزي ما كنت عملت لكم موضوعات  قبل كده عن ازاي تزود تركيزك وانت بتذاكر هبقى اسيبلك الرابط فى اخر الموضوع ممكن تبص علية بعد ما اخلص الموضوع دا . زى ما قلت لك النهاردة ان شاء الله هنتكلم عن ازاي تذاكر في مرحلة الثانوية العامة. الموضوع بتاعنا هيتقسم لجزئين والاتنين اهم من بعض.

الجزء الاول تجهيز الاجواء للمذاكرة فى الثانوية العامة

 وهي مبادئ نتفق عليها كده مع بعض قبل ما نبدأ تذاكر. يعني مبادئ هتزود انتاجيتك وقوتك في المذاكرة. وهنفهم مع بعض دلوقتي ازاي. الحاجة التانية واللي هي طريقة المذاكرة نفسها اللي هي احسن الطرق اللي انت ممكن تذاكر بها وتفتكر بها المعلومات اللي انا شخصيا بستعملها عندي في طب واللي زمايلكم من الدفعات الاكبر منكم بيوصوا بها

نصلي على النبي كده عليه الصلاة والسلام ونبدأ مع بعض المبادئ او الحاجات المهمة جدا اللي هتساعدني في اني ازاكر بانتاجية عالية. طبعا احنا كل اللي احنا هنتكلم عليه في الموضوع ده ان احنا بناخد بالاسباب زي ما قلنا احنا علينا السعي وان احنا ناخد بالاسباب والنتيجة دي بتاعة ربنا.

من اهم الحاجات اللي انت تاخد بالك منها عشان تقويك في مذاكرتك ان شاء الله اللي هي الرياضة. الرياضة اللي هي بتاخد وقت هتكوني في مزاكرتي ازاي؟ بص يا سيدي الرياضة بتزود قدرة عقلك على التحليل بعض الانزيمات والهرمونات في الجسم اللي بتقوي جدا ذاكرتك وتحصيلك للمواد.

يعني مثلا فيه مادة معينة اسمها بي دي إن إف دا مغذى عصبى بيفرز فى الدماغ. المادة دي بتطلع بعد الرياضة وبتبقى موجودة في جسمك وبتقوي الذاكرة جدا جدا وبتزود مستوى تحصيلك وقدرة مخك نفسه.

ده غير ان الرياضة بتزبط الهرمونات بتاعة الجسم بتخليك شاعر بنوع من انواع الارتياح النفسي اللي على اساسه تقدر تعمل المهام والحاجات اللي عليك كويس. ده غير بقى ان هي بتنظم الدورة الدموية وبتقيك من الامراض اللي ممكن تأثر عليك سلبا ربنا يعافينا ويعافيكم جميعا يا رب اللهم امين.

ثانى حاجة النوم طبعا مهم جدا لانه نفس الفكرة بالظبط  بيزبط الهرمونات بتاعة جسمك انك تنام بدري وتصحى بدري وبيجدد الخلايا بتاعة الجسم ومصادر الطاقة بتاعة المخ غير هرمون الميلاتونين يكونوا متظبطين في جسمك وعلى اساس ده لما بتصحوا بدري تكون مستعد انك تبدأ يومك بكل نشاط قادر تنجز انجازات كبيرة جدا جدا اكتر من اللي انت بتعملها بالليل.

 كذلك طبعا من الحاجات اللي هتأثر عليك وانت بتذاكر اللي هي المكان اللي حواليك. نفسيتك وانت بتذاكر دايما بتبقى مستريحة وجميلة طول ما انت طول ما انت مصلي صلاة عامل للي حواليك والمكتب حواليك نضيف. شكله يفتح النفس. تبقى مكركبة وزريبة كده.

كده ان شاء الله هبقى اعمل لكم موضوع عن ازاي تنظم وقتك فطبعا الفكرة ان انت تكون منظم  يومك ومقسمه على شكل فترات وتكون عامل لنفسك حاجات انت المفروض تخلصها في اليوم بتاعك ما ينفعش تنام اخر اليوم غير لما تكون مخلصة او عامل على الاقل جزء كبير منها وتيجي اخر يوم تحاسب نفسك هل انا خلصت الحاجات دي هل انا عملت الحاجات دي? وطبعا في اولويات في حياتك. يعني عندي ربنا رقم واحد.

 ثانيا اهل بيتي ما ينفعش مثلا ان انا اكون جايب المذاكرة على حساب اهل بيتي. فاهم ازاي? كل حاجة عندك تكون واخدة حقها ومنزم اولوياتك وواحدة وراه التانية. دي يعتبر يا جماعة اهم المبادئ فعلا اللي انت محتاج تكون بتعملها اول باول هتفرق معاك كتير جدا وانت بتذاكر بقى. وده اللي انا جاي اكلمكم فيه النهاردة بأذن الله واللي هو طريقة المذاكرة نفسها انا عاوز الروت بتاع المذاكرة. اولا انا هاقول لك حاجات فرقت معي انا شخصيا بعد اما خبطت فرقت مع ناس كتيرة جدا يعني زي ما تقول كده او طريق مختصر يوديك على الهدف بتاعك على طول بدل ما تلف كتير.

ممكن يكون لك طريقة مذاكرة معينة وانت مستريح بها. جميل جدا جدا وكمل زي ما انت. ممكن تستفيد وتطبق بعض الحاجات اللي انا هاقول لك عليها دلوقتي المهم هدفي انا وانت في الاول وفي الاخر ايه ان انت تقدر تذاكر بفعالية وانتاجية وقوة اكتر وما تكونش بتنسى بسرعة. متفقين.

الجزء الثانى طريقة المذاكرة للثانوية العامة 

طب ايه هي طرق المذاكرة اللي هتفرق معي جدا بأذن الله ولما تطبقها هتدعي لي كتير. بص يا حبيب قلبي نظام المذاكرة في ثانوية عامة بالذات
تكرار. ليه بدأت كلامك معي بكلمة التكرار؟

الخطوة الاولى التكرار

اولا توضيح لنقطة كلمة تكرار دي معتمدة اولا على الفهم. اننا هنفهم كويس جدا المعلومة او الحاجة اللي احنا هندرسها. وبعد كده نكررها اول باول. تكرار الفهم ده اعظم وسيلة للمذاكرة وده اللي هيخلي المعلومة حاضرة معك اول باول وتقدر تستخدمها في اي وقت. واللي هيصب في الاخر في ثقتك بنفسك. طيب واحدة واحدة  اول حاجة انت مطلوب منك انت تفهم كل حاجة كويس جدا جدا. كلمة فهم دي يعني ايه؟ يعني معلومة انت بتسمعها من مدرس سواء اونلاين او يوتيوب او ادور على المدرس اللي يشرح لي المعلومة بفهم عالي جدا جدا.

لو في نقطة او حاجة مش فاهمها اسأل فيها المستر بتاعي او المدرس بتاعي او ادور عليها على النت. المهم ان المعلومة لازم تدخل دماغي اكون فاهمها كويس جدا.ما ينفعش معلومة اخدها من غير ما افهمها. لو خدتها مهما لو اتشقلبت كده مش هتثبت في دماغي لازم اكون فاهمها وفاهم هو المقصد منها ايه. يبقى رقم واحد انت عندك بتدور على الفهم بتجري وراه بايدك وسنانك لحد ما تفهم كل حاجة كويس جدا رايحة فين وجاية منين
كويس ابدأ اقرر اللي انا فهمته ده على دماغي اول باول.

الخطوة الثانية الكتابة

ايه اللي يخلي مذاكرتي وذاكرتي تتحول من الذاكرة الاولانية اللي هي السطحية للذاكرة العميقة اللي هي عمرها ما تتنسي ابدا
الكتابة اتعمل عليها ابحاث كتير جدا جدا واسبتت جدارة فعلا تزود ترسيخ المعلومات في المخ تكرارها سواء ان انت بتكتب تاني او بترجع تقرا اللي انت كتبته بيثبت المعلومات جدا جدا. ويفضل ان انت استخدم الوان وانت بتكتب عشان العقل البشري لما بيقرا الوان مختلفة بيستوعبها بشكل افضل. 

الخطوة الثالثة هى شرح ما حفظتة 

تخيل انك مكان المدرس وان امامك مجموعة من الطلبة والمطلوب منك ان تقوم بشرح ما فهمتة لهم واتكلم بجدية واشرح لهم ما حفظتة من المادة وما فهمتة واشرح لهم باسلوبك وتخيل ايضا ان هؤلاء الطلبة يطرحون عليك الاسئلة واجب عليهم فبهذا تكون انتقلت من مرحلة تلقى المعلومات الى مرحلة اخراج المعلومات وهى المشكلة التى تواجهها فى اثناء الامتحان انك لم تتدرب جيدا على طريقة اخراج المعلومات التى تم ادخالها الى الذاكرة.

ازاي تذاكر اقل وتذاكر بذكاء. وخصوصا ان احنا داخلين على امتحانات ثانوية عامة.

 انت مش هتبقى محتاج انك تذاكر ساعات. كل اللي انت هتبقى محتاجه انك تذاكر فترات صغيرة وفي الفترات دي هتكون بتذاكر بذكاء. فلو عايز تذاكر اقل فتذاكر بذكاء كمل الموضوع ده هيبقى متقسم لاجزاء
وده هيكون اول جزء ازاي تذاكر اقل فتذاكر بذكاء والخطوات اللي هقول لك عليها ده من البروفيسير مارتيو دوبد. استاذ علم النفس في جامعة بييرز. واول خطوة معنا انت عشان تعرف تحققها انت محتاج تعرف انت بتستوعب قد ايه من وقت المذاكرة. فيه دراسة اتعملت في جامعة في امريكا على عدد من الطلاب والدراسة دي بينت ان اغلب الطلبة بتفقد تركيزها او مدى الاستيعاب بتاعها بعد تلاتين دقيقة من المذاكرة.

الخطوة الاولى عشان تذاكر اقل وتذاكر بذكاء هي انك تذاكر تلاتين دقيقة وتاخد بريك خمس دقايق. وفي الخمس دقايق اللي هتاخدهم بريك لازم تكافئ نفسك تعمل اي حاجة انت بتحبها. ويا ريت تبعد عن الموبايل في الوقت بتاع الراحة. بس لو ما قدرتش ومسكت التليفون فعادي ما حصلش حاجة. خد الخمس دقايق البريك بتوعك وبعدين ارجع زاكر تاني.

 والطريقة دي مفيدة جدا للناس اللي ما بتعرفش تقعد بالساعات في المذاكرة عشان انت لما تذاكر نص ساعة وتاخد بريك خمس دقايق وتكرر الموضوع تلات او اربع مرات فانت هتكون ذاكرت ساعة ونص او ساعتين.

الخطوة الثانية معنا وهي المكان اللي انت بتذاكر فيه
اتعملت دراسة في جامعة هاواي وسألوا الطلبة ايه اكبر مشكلة بتواجهكم لما بتيجوا تذاكروا? وكانت المشكلة ان هم ما بيعرفوش يندمجوا مع المذاكرة ما بيعرفوش يدخلوا في جو المذاكرة وده كان بسبب ان السكن الجامعي اللي كانت الطلبة بتبات فيه كان عبارة عن غرف فيها سرير ومكتب
فكانوا بيذاكرو وياكلوا ويناموا في نفس المكان. وده كان مسبب لهم مشكلة ان هم ما بيعرفوش يندمجوا مع المذاكرة بسبب ان هم رابطين كل حاجة ببعضها. كل حاجة عشوائية. انت بتذاكر وتنام وتاكل في نفس المكان.

يعني انت لما تخصص مكان للمذاكرة بس انت اول ما بتدخل المكان ده بتبقى عارف ان انت داخل عشان تذاكر بس. عشان كده ابعد تماما عن المذاكرة على السرير. ببساطة السرير ده له مهمة واحدة. وهي النوم. فياريت تخلي السرير للمهمة دي بس.