اشترى دولار ولا دهب اشترى دهب ولا استنى أفضل استثمار في الوقت الحالي 2024 في مصر

اشترى دولار ولا دهب اشترى دهب ولا استنى أفضل استثمار في الوقت الحالي 2024 في مصر

TOPTOP
يناير 9, 2024 - 11:34
يناير 9, 2024 - 11:40
 0
اشترى دولار ولا دهب اشترى دهب ولا استنى أفضل استثمار في الوقت الحالي 2024 في مصر
اشترى دولار ولا دهب اشترى دهب ولا استنى أفضل استثمار في الوقت الحالي 2024 في مصر

اشترى دولار ولا دهب اشترى دهب ولا استنى أفضل استثمار في الوقت الحالي 2024 في مصر الدولار أم الذهب؟  اشتري دهب ولا اشتري دولار؟ إزاي يقدر أحافظ على قيمة الفلوس بتاعتي أو قيمة مدخراتي؟ ناس كتير قوي معاها مبلغ في البنك ونظرا لحالة الاقتصادية اللي احنا فيها، محتارين إزاي يقدروا يحافظوا على قيمة الفلوس اللي هم محاوشين. في الفيديو بتاع النهاردة هنجاوب على السؤال ده مع بعض.

اسباب التفكير فى شراء الذهب او الدولار 

السبب الأول 

هو أن العملة المحلية بتضعف قدام الدولار. يعني مثلا، في دول كثير، العملة المحلية بتاعتها مربوطة بالدولار، زي مثلا الريال السعودي أو الدرهم الإماراتي وهكذا. كلما سعر الدولار بيتحرك، العملة المحلية بتتحرك مع الدولار في نفس الوقت. إذا كان الدولار زاد أو ضعف، العملة المحلية ما بتتأثرش. لكن في دول تانية، العملة المحلية مش مرتبطة بسعر الدولار نهائي، يعني سعر العملة المحلية مبنية على العرض والطلب. يعني كل ما قيمتها زادت، وكل ما الناس احتاجت الدولار مقابل العملة دي، كل ما قيمتها تقل.

تاني حاجة أن البنك الفيدرالي الأمريكي عمال يرفع في قيمة الفائدة علشان يحارب التضخم، وعلى شان كده الدولار عمال يقوى. 

ثالث سبب ان فيه ناس كتير قوي بتحتاج الدولار في التعامل مع التجار في الخارج في الاستيراد وتصدير، فالدولار شيء أساسي في شغلهم. واخير حاجة، فيه ناس كتير قوي بتجد صعوبة ان هي تلاقي الدولار، فما بيصدق يبقى مع الدولار ويحافظ عليه. 

فكده فهمنا ان الناس عايزين يشتروا الدولار علشان يحافظوا على قيمة الفلوس معاهم، لان هم شايفين ان هذا نوع من انواع الاستثمار.

طب نجي للسؤال التاني ليه الناس عايزين يشتروا دهب؟ علامات استفهام كتير برضه. 

أول سبب معنا أنه سمعتة كويسة. يعني لو اتكلمنا على مدار التاريخ، كانوا الناس بتستخدموه كنوع من أنواع الاستثمارات الأمنة. يعني لو حللنا اسعار الذهب على مدار التاريخ ، حتلاقي إن قيمة الدهب في آخر عشر سنين زادت. يعني حتلاقي نازل شوية وطلع شوية، بس في المجمل، لو بصنا في آخر عشر سنين، حتلاقي قيمة الدهب مستمرة فى الارتفاع فمن زمان قوي معروف ان الدهب بيحافظ على قيمته وبيكون ملاذ آمن ضد التضخم.

السبب التاني انه سهل قوي انك تفك الدهب. يعني هتضر ان انت تروح تبيع الدهب وتحوله لفلوس ، تقدر تستخدمه كأنك نوع من انواع العملات في اي وقت.كذلك يجبرك أن تحافظ على فلوسك بدل أن تقوم بصرفها يمين وشمال.

طب برضو، يعني نشتري دهب ولا نشتري دولار؟ نعمل إيه؟ 

أول حاجة، لازم نحدد ليه إحنا عايزين نحافظ على الفلوس دي؟ 

لو إحنا عايزين نحافظ على الفلوس دي لفترة قصيرة، يعني لمدة سنة أو سنتين، فالأفضل أن نشترى دولار. ليه؟ لأن الدولار سعره عمال يزيد، بشكل اسرع من الدهب ولو هتحتاج الفلوس دى فى فترة قريبة يعنى سنة فالافضل الدولار.

أما لو إحنا عايزين نحافظ على الفلوس دي لفترة طويلة، يعني اكثر من سنة، فالأفضل أن نشترى دهب. ليه؟ لأن الدهب بيحافظ على قيمته وطالما انت محتاج تحافظ ع القيمة لفترة طويلة ومش هتحتاج الفلوس دى على الاقل لمدة سنة او اكثر فالافضل الذهب.

طيب، أنا شخصياً ماذا أفعل؟ 

أنا شخصياً لا أشتري دولار ولا أشتري دهب. أنا أشتري أسهم في شركات أمريكية.فيه ناس ممكن تستغرب من كلامي، بس بصراحة، أنا شايف أن ده أفضل حل دلوقتي.

أولاً، الشركات الأمريكية كبيرة وقوية، ومش محتاجة أنك تتابعها كل يوم.ثانياً، الأرباح بتاعة الشركات دي بتوزع على المستثمرين كل ربع سنوي، يعني كل ثلاثة شهور بتيجيلك فلوس من الهوى من غير ما تعمل أي حاجة.لو الشركة فلست، فلوسك مش هتروح كلها. لأنك هتكون شاري أسهم الشركة دي في البورصة، يعني هتبقى مشترك في ملكية الشركة.

فية استثمار اخر وهو العملات الرقمية ودا ايضا ممتاز لتحقيق ارباح وقد يصل العائد الى اضعاف المبلغ فى عام واحد ولكن يحتاج الى توخى الحذر لانة استثمار خطر للمبتدئين

طبعاً، ده رأيي الشخصي، وانت حر في أنك تأخذه أو لا.بس أنا بحب أقول لك إن الاستثمار في البورصة الأمريكية هو أفضل طريقة للحفاظ على فلوسك وزيادة قيمتها في نفس الوقت. 

نصيحة اخيرة 

اذا هتشترى دهب فراقب الاسعار بشكل مستمر واشترى فى مرحلة الاستقرار يعنى لو الذهب رفع من 3000 الى 3800 فى فترة قصيرة اسبوع استنى شوية لحد ما يريح لان اى ارتفاع سريع فى فترة قصيرة بيحصل ضغط بيع فالسعر بينزل تانى واشترى وقت الاستقرار واشترى على اجزاء مش مرة واحدة وراقب الاخبار اول باول لان اى استثمار بيعتمد على متابعة الاخبار ومع الوقت هتاخد خبرة تعمل اية وامتى.

وخلاص، دي كانت كل حاجة النهاردة. أتمنى أن أكون إفدت، وحطيت قدامك كل المعلومات والأدوات اللي تستخدمها عشان تاخد قرار مناسب.