تكلفة بناء منزل 100 متر في مصر 2024 بسعر الحديد 40 الف

السلام عليكم. اهلا وسهلا زوار موقع كولكشن العرب. ان شاء الله دايما تكونوا بخير. وكل عام وانتم بخير ان شاء الله هنحسب تكاليف او تكلفة بناء بيت مساحة 100 متر في قرية اربع ادوار بسعر النهاردة. واخدين سعر الحديد من 40 الف الى 40500. ده بالنسبة لحديد عز. والاستتثمارى فى حدود 39 الف دي اسعار الحديد اما الاسمنت على سعر 1950.

تكلفة بناء منزل 100 متر في مصر 2024 

خلينا نحسب اول حاجة عندي لما باجي اشتغل العادية. العادية هنا احنا واخدينها حصيرة على المساحة كلها هتعمل حوالي 25 متر المتر هيكلفني 900 جنيه وانا شغال بخلاطة نحلة اللي هي الخلاطة العادية. وهقول لك سعر المصنعيات كمان واللي انت محتاجه من المون والكميات. العادية هتكلفني 23000 جنية. مصنعية 150جنيه للمتر مكعب اجمالي المصنعية 4000 جنية  للمقاول. تمام كده? طيب.

تكلفة القواعد والسملات

بعد كده القواعد والسملات. البيت اللى بنحسبة في قرية يا جماعة. برضو هتعمل حوالي 25 متر. المتر هيكلفني حوالي 4400 جنية  هتعمل 110 الف. المصنعية واخدينها 350 جنية للمتر مكعب. اجمالي المصنعية 9000 جنيه بالنسبة القواعد المسلحة بعد كده بيبقى كده العادية والمسلحة كلفوني  133 الف.

تكلفة عمدان الدور الارضى

بعد كده هدخل على عمدان الدور الارضي وارتفاع العمود واخدينه 4 متر. عندي في ال 100 متر دول 12 عمود. طبعا الموضوع يرجع للتصميم 12 او 14 او 16 برضه على حسب التصميم تمام? طيب  هيعملوا حوالي 10 متر مكعب خرسانة المتر يكلفني 6800 جنية. كده انت بتتكلم في تكلفة 68 الف جنيه للعمدان بتاعة الدور الارضي.

المصنعية احنا واخدين المتر مكعب 600 جنيه لكل متر مكعب مش للعامود. على فكرة هم بيحسبوها بالعامود. وهو بيحاسبك بالعمود هيحسب لك العمود متر 350 جنية ده يعني حسبه متر ولكن عندنا الدور الارضي دي طالما زاد عن 3 متر هيحسبها لك مرة ونص او ساعات بيضربوها في اتنين. خلاص كده? فالمصنعية بتاعتك  للاعمدة بالسلم بتاعة الدور الارضي 7000 جنيه. 

تكلفة سقف الدور الارضى

طيب كده ندخل على سقف الدور الارضي. سقف في الدور الارضي طبعا هنعمل له بروز طالما الارتفاع بتاعي زاد عن 4 متر اقدر اطلع بروز اللي هي البلكونة او الابراج. هيعمل حوالي 22 متر مكعب واخدينه سقف عادي بكمر. 

المتر يكلفني حوالي 4700 جنية كده السقف هيكلفني 105 الف جنيه بالمصاريف يبقى انت كده بتتكلم بمصنعية 400 اجمالي المصنعية بتاعة السقف 9000 جنيه. تمام كده? كده يا سيدي القواعد والعمدان والسقف هتكلفني 315 الف ده اقل حاجة بقى. قواعد وعمدان وسقف .

تكلفة الدور المتكرر

بعد كده نيجي للدور المتكرر اللي هو فوق الدور الارضي بقى احنا ما قفلناش طوب احنا كل ده اتكلمنا في خراسانات والمصنعية. تمام? آآ عندي الدور المتكرر العمدان المتر هيكلفنا حوالي 7000 جنيه او 6500 يعني هيعملوا 45 الف والسقف 105 الف انت بتتكلم في كام? 150 وخمسين الف جنيه للدور. يبقى الدور المتكرر عمدان وسقف هيكلفك 150 الف. في 3 ادوار  450 الف جنية دا غير الدور الارضى اللى حسبناة قبل كدا.

اجمالى التكاليف لبناء المنزل 4 ادوار

كدا الاجمالى 450 الف جنية الادوار المتكررة  + 305 الف الدور الارضى تمام كده? يبقى بنتكلم في 760 الف جنيه سبعمية وستين الف جنيه ده خرسانات بس عملت الهيكل كله عمدان وسقف وتلات ادوار كمان فوقه. تمام كده? ودي اقل تكلفة يا جماعة. دي اقل تكلفة يعني اقل من كده يعني هنوصل 700 الف مثلا لو اقل عن كده هتيجي على البيت عندك يعني نقدر نقول التكلفة ممكن تزيد عشرة في المية تقل خمسة فى المية ما فيش مشكلة.

تكلفة المنزل بالطوب 4 ادوار

طب لو انا بقى هقفل طوب انت هتقفل طوب يبقى بتتكلم في 900 الف جنيه للمبنى بتاعك. طبعا هو العيب مش عندي العيب في الاسعار يعني الاسعار هي اللي عالية. واخد بالك بس. طب تعال بقى نحسب اسعار المصنعيات انت تقدر تجمعهم بقى. قلنا عندك العادية 3750. المسلحة 8750. سبعمية وخمسين. العمدان 7000 جنيه. والسقف 9000 جنية خلاص كده? يعني اجمالى المصنعيات 29 الف جنية الى صبة السقف بعد كده هيبقى عندك اى دور بعد كدة من 15 الى 17 الف مصنعية.

كمية الحديد المطلوبة للمنزل 4 ادوار

الحديد بقى اللي انا محتاجه للدور الارضي محتاج 5 طن لحد ما اصب السقف محتاج 5 طن حديد  لو قلينا عن كده هنبقى جايين على المبنى ومحتاجين حوالي 25 طن اسمنت الى 28 طن.

 بالنسبة لكل دور متكرر حضرتك محتاج 2.5 طن حديد عمدان اما السقف محتاج 10 طن اسقف . اتمنى لنى اكون افدتكم وان شاء الله يتم تحديث الموضوع بالاسعار الجديدة
المساحة القادمة 120 متر عشان اتطلبت كتير من الناس. وكل عام وانتم بخير. سلام عليكم